أواخر الشتا

كنا فى اواخر الشتا قبل الي فات

زي اليومين دول عشنا مع بعض حكايات

انا كنت لما احب اتونس معاه

انا كنت باخذ بعضي واروحله من سكات

والناس فى عز البرد يجروا ويستخبوا

وانا كنت بجري واخبي نفسي اوام في قلبه

ولحد لما الليل يليل ببقى جنبه

وافضل في عز البرد وياه بالساعات

.................

وسط الشوارع ناس كتيره مروحين

والناس ياقلبي هما هما وهو فين

وانا ماشيه بتلفت

واسئل كل يوم بيعمل ايه دلوقتي وبيحلم بمين


وحشـــــــــــــــتيني بجد

مطمناني قلقالي راحتي

مفرحاني رافعالي ضغطي

.... أعذريني من حبي ليكي بقول كدة


أبعد تنادي ... ارجعلها

بأعلى صوت تقولي غور

طاردك فطار وغدا وعشا

بس عزماك على السحور

مجرد وقت

مجرد وقت وده كله اكيد حنساه
حكمل ليه في طريق متعب واضيع وياك
دي احسن فرصه بالنسبه لي للتغيير
واحسن حاجه ان احنا مكملناش
وخيرها في غيرها مش كل العالم ببلاش
وبعدك عني بالنسبه لي يمكن خير
انا حنسى جرحي وقسوتك وانسى عذابي كمان
حفوق اكيد من صدمتي بعد اللي حسيت بيه
عمر الحياه ما حتنتهي وقفت على انسان
كأنك حلم وحلمته وصحيت لقيتني ناسيك
مجرد وقت ..

حقول للناس انا سيبتك ومش زعلان
وعمري ما حاحكي مين فينا اللي كان غلطان
ولو سألوني سيبتك ليه حاقول عادي
في ناس غيرنا كتير حبو ومتفقوش
وقلبي حبك وانت الحب معرفتوش
وانا ضيعت وقت كتير ع الفاضي
انا حنسى جرحي وقسوتك وانسى عذابي كمان
حفوق اكيد من صدمتي بعد اللي حسيت بيه
عمر الحياه ما حتنتهي وقفت على انسان
كأنك حلم وحلمته وصحيت لقيتني ناسيك
مجرد وقت ..

مخبي عليا ايه

مخبي عليا ايه قولى صارحنى وقولى ايه جواك
كلام عنك بيوصلى فى حاجه بجد انا عارفاك
قالولى ان انت هتسيبنى قالولى احاول انى انساك
بحبك بس مش هقدر اعيش نفسي فى الاوهام
صبرت كتير وطال صبري مخدتش منك الا كلام
قالولى وشكى عذبنى تعبت بجد نفسي انام



واتارى اللى اتحكالى عليك مكنش كلام ده ولا حاجه
سنين ضيعتها بايديك وهو العمر فيه حاجه
واتارى اللى اتحكالى عليك مكانش كلام ده ولا حاجه
سنين ضيعتها بايديك وهو العمر فيه حاجه



خلاص كل اللى كان بينا انا اتعودت عالايام
بحس انا فيها بالغربه بتاخد كل حاجه قوام
عذابي بجد مش بعدك بجد طلعت اى كلام



واتاري اللى اتحكالى عليك مكانش كلام ده ولا حاجه
سنين ضيعتها بايديك وهو العمر فيه حاجه
واتاري اللى اتحكالى عليك مكانش كلام ده ولا حاجه
سنين ضيعتها بايديك وهو العمر فيه حاجه

بيكدب

بيكدب بيحسب إنى مش فاهماه
داريت جراحى عملت نفسى مصدقاه
حس ف عينيا بشىء ماريحنيش
حاول يخبى عشان مايجرحنيش
وحلفلى طول العمر مايسبنيش
حلفانه أكد للى شكيت فيه
كان نفسى أقوله حرام
بتكدب ليه وتظلمنى
بس الكلام كان صعب أنطق بيه لا يألمنى
بيكدب مصدق وهم عايش فيه
وأهو بان لى كدبه
لكن غرور قلبه مداريه
حس فى عينيا بشىء ماريحنيش
حاول يخبى عشان مايجرحنيش
وحلفلى طول العمر مايسبنيش
حلفانه أكد للى شكيت فيه