أدمنتك

أدمنتك

...وانتهى الأمر

أم تراه ابتدأ؟

فاغرس حضورك فى شراييني

ابرة ذهبية مخدرة

واغرس لسانك فى صدري حتى القلب

...كي تستقيظ دقاته

بلا اقنعة

كيف تستطيع أن تحب,وان تكره

داخل لحظة واحدة؟

...لاأعرف

...لكن هذا ماأحسه نحوك

...فلتخلع اللغة قناعها

ولأقل لك ببساطة وصدق

أحب جسدك ، وأكره رأسك

ولم أكتشف بعد

كيف أتجرع ما أحب وألفظ ما أكره

!!!داخل لحظة واحدة

ولذا ، مازلت ألتصق بكما

! كما لو كنتما كلاً واحداً

معك أحاول أن اتعلم

كيف أخلع رأسك الأجوف

عن جسدك الخارق البهاء

لأقذف به عبر النافذة

...مع رأسي ،ومعطفي ، وأوراقي ، وذاكرتي

بلا عنوان

احببت وجودك معي ,,, وافتقدك

احببتك وانتي ماضي الان ,,,واحببتك وانتي الان ذكرى

ايامك لن تعود واعلم انها لن تعود

دائما عندما اريد ان اتذكرك......وحقاً اريدك.... اقول "لو "

وعندما اريد ان اذكرك واتحدث عنك فاقول "كانت"

ولو ...وكانت = المستحيل

اصبحتي لي هو المستحيل

ولااملك غير ان اقول انني احببتك ....افتقدك

عند ده ولاايه ؟؟

بحبك اوي وبعدك عني مجنني بجد نفسي تبقى جنبي جدا تحسي بيا مين اللى يحس بيا غيرك وفضلت افكر فيكي كتير لغاية مالاقيت صوت جرس الباب بيضرب قومت وانا مضايقة اوي ان فى حد بيفوقني من تفكيري فيكي وفتحت الباب لاقيتها قدامي بتقولي وحشتيني ؟؟

استغربت جدا وفضلت بصالها وفاتحة بوقي قالتلي حبيبتي انتي مكنتيش عيزاني اجيلك دلوقتي ولاايه؟؟

وقبل ماانطق قربت مني اوي وحضنتني وباستني لحظتها فوقت

وقولتلها انا مش بس كنت عيزاكي ومحتجالك انا كنت حموت على الحضن ده اوي

ودخلت مسكت ايديها ودخلتها اوضتي اللي اول مرة تدخلها وتشوفها وفضلت واقفة بتتامل كل حاجة فى اوضتي

وتقولي دي مملكة حبيبتي اللي دايما قاعدة فيها اللي نادر اوي لما بتخرج منها فضحكت وقولتلها شوفتيني وانا بيتوتية

بقى ودي حاجة مفرحاكي طبعا ضامنة انتي اني لابروح هنا ولا هنا قالتلي جدا جدا قولتلها ممكن اسالك سؤال

قالتلي طبعا ياحبيبتي بس ممكن اقعد الاول وساعتها اخدت بالي اني مقولتلهاش اقعدي

بس اكيد انتي مش محتاجة مني اذن

يعني قالتلي ايوة بس انا عيزاكي تيجي تقعدي جنبي لاني انا دايما عارفة ان اي حد بيقعد معاكي مش بتقعدي جنبه

بتقعدي قدامه وانا بقى عيزاكي جنبي اوي اوي وفعلا قعدت على سريري وجيت قعدت جنبها بس يعني كنت بعيد شوية

راحت قربت مني وقالتلي ها ياعمري كنتي عايزةتسأليني عن ايه قولتلها انتي ازاي حسيتي اني كنت عيزاكي

اصلي انا كنت لسة بقول ان بعدك مجنني واني عيزاكي جنبي قالتلي انتي عارفة اني كنت خارجة اصلا وانا رايحة

اقابل اصحابي حسيت اني عايزةاشوفك دلوقتي ومحتجالك اوي فااتصلت باصحابي وقولتلهم بصوا انا حتاخر عليكم

شوية ويمكن مش حقدر اجي وجتلك جري روحت حضنتها اوي وقولتلها انتي مش متخيلة انا محتجاكي قد ايه جنبي

انا بحبك اوي يمكن انا مش عارفة اعبر عن الحب ده انتي عارفة انا مش بعرف اتكلم اصلا

ويمكن اكون غلسة فى اوقات

كتيرة وانا بتكلم كده راحت قربت مني اوي اوي وقالتلي هششششش وباستني حسيت اني توهت بجد وقالتلي انا بعشقك

وكفاية اني متاكدة انك بتحبيني انا وبس انا عارفة ان حياتك متلخبطة وفيها حاجات كتير اوي لسة متظبطتش بس انا

مش حسيبك وحفضل جنبك لغاية ماكل ده ينتهي وايدي حتبقى فى ايديك ماتقلقيش ياعمري لاقيت التليفون بيرن وطبعا

انا عرفت مين اللى بيتصل وكان قلبي لحظتها تقريبا مابقتش اسمع دقاته حصله ايه مش عارفة وتنحت واتسمرت مكاني

وبقيت مش عارفة اعمل ايه قالتلي تليفونك بيرن مش حتردي قولتلها ها ؟؟

قالتلي مين اللى بيتصل قولتلها لألألألألألأ ده ولا حد وماردتش وعملت سايلنت فى اللحظة دي بس معملتوش هو سايلنت

وسكت التليفون وقولت الحمدالله كده اللى الناحية تانية حيفهم اني مخمودة او اي حاجة ومش حيتصل تاني

وطبعا عشان اغلوش على الموضوع قولتلها ها بقى حتقابلي اصحابك قالتلي لا بدال مااتصلوش بيا يبقى الموضوع مش

مهم او مش عارفة بس مش بفكر فيهم ايه انتي بتسربيني ولاايه ؟

قولتلها ماتقوليش كده انا عيزاكي معايا طبعا ومسكت ايديها وبوست كف ايديها وقولتلهاانتي وحشاني اوي اوي

اقولك حاجة قالتلي ايه قولتلها تعرفي اني من اول امبارح منمتش ومأكلتش اي حاجة قالتلي ليه قولتلها تعبانة ومعدتي وجعاني

قالتلي ياحبيبتي سلامتك طيب انا حقوم اعملك شوربة تجنن بقى وحدوقي طبيخي بقى

وقامت وقالتلي انتي ارتاحي لغاية مااخلص الشوربة ممكن؟؟

وقامت روحت فردت نفسي على السرير وراحت عليا نومة وماحستش بنفسي غير اني حسيت ان حد بيحضني اوي اوي وبيبوسني

وانا فى حضنها حسيت بالدفا والامان قولتلها احضنيني اوي وماتسبنيش لحظة واحدة قالتلي عمري ماحسيبك

وانا فى حضنها التليفون فضل يرن كتير وهيا مش عايزة تصحيني تقولي ارد بس انا كنت سامعة التليفون ومش قادرة اسيب حضنها بصراحة فراحت اتعدلت وحاولت تمسك التليفون روحت قومت واتنفضت ومسكت التليفون من ايديها

بس كانت هيا خلاص مسكته وشافت مين اللى بيتصل ولاقتها بصتلي حتة باصة قالت ايه ده في ايه؟
قولتلها انتي حتعملي ايه؟؟

قالتلي انا كنت حعمله سايلنت عشان مايزعجكيش من النوم روحت قولت اه طيب

قالتلي انتي مش قولتي ان علاقتك بالبنت دي انتهت ومن زمان ليه مقولتليش انها بتكلمك لسة؟؟

قولتلها استني افهمك قالت تفهميني ايه انتي بتخبي عليا ايه كمان؟؟؟

راحت مسكت الموبايل ومصممة انها تشوف الماسجات وانا طبعا اتجننت بقى وحصلت خناقة بينا

روحت مسكت موبايلي منها قولتلها مش بحب حد يفتش فى حاجتي

قالتلي هاتي الموبايل بقولك قولتلها لا قالتلي انتي بتخبي ايه

اللى بتعمليه ده دليل انك مخبية حاجة عليا قولتلها لا ده مجرد اني بكره حد يفتش فى حاجتي

انتي كده بتشكي فيا وانا مش بحب حد يشك فيا قالتلي لا مش بشك فيكي انا مجرد اني عايزة اتاكد وانتي لو مش بتعملي حاجة غلط مش حيفرق معاكي

قولتلها لا راح التليفون رن تاني قالتلي ردي عليها قولتلها لا مش حرد راح جالي مسج قالتلي افتحيها واقريها قدامي قولتها في ايه ايه كمية الشك ده كله

قالت انتي عايزة تجنيني انتي بتعملي كده ليه؟؟

قولتلها ممكن تهدي طيب انا حديكي الموبايل وتعملي اللى انتي عيزاه بس مش كده مش دلوقتي حديكي الموبايل بس انا بكره اسلوبك ده
قالتلي لو مفتحتيش الماسج دلوقتي وقريتيها مش حتشوفي وشي تاني

قولتلها بقولك ايه انتي عايزة ايه؟؟

قالتلي عايزاكي تبقى صريحة وتقولي انك لسة على علاقة بيها وانك لسة بتروحي عندها

وفضلت تقول كلام كتير وحش اوي

فااتنرفزت وقولتها انتي حترتاحي يعني لو قولتلك انه ايوة انا وهيا لسة على علاقة ببعض وايوة انا لسة بشوفها

راحت ضربتني قلم جامد اوي من شدة القلم اترميت على السرير وقالتلي ابقى خليها تنفعك

...................... ومشيت وسبتني ولسة التليفون بيرن