الناس هما السبب...حجة البليد

فشل اي علاقة بين اتنين بيحبوا بعض او بيقولوا انهم بيحبوا بعض ياترا ايه ؟؟

معقولة تكون الناس.. يعني لو في ناس مش عيزاهم يكونوا مع بعض مثلا خلينا نفترض الناس سابيبن كل حاجة فى الدنيا ومركزة مع الناس دي

وفضلوا بقى ناطين فوق ودن حد فيهم وطاخ وطاخ... هو ده ممكن يفشل العلاقة دي ويخليها تنتهي !!!

طيب ليه يعني ؟؟

يمكن عشان مشيوا بالمثل اللى بيقول " الزن على الودان أمر من السحر"

انا عن نفسي مش مقتنعة بالمثل ده وحاسة انه للناس الضعيفة واللى معندهاش ارادة

يعني انا مقتنعة بحاجة اوي... مؤمنة بيها... وبحبها اوي من قلبي... لو الدنيا دي كلها حاربتني ولا حسأل فيهم

يعني انا صليت فى مكان كل اللى فيه كفار او بيعبدوا اصنام او مش بيعبدوا حاجة خالص
فضلوا كل مااجي اصلي يشتموا فيا ويقولوا ايه اللى بتعمليه ده ده غلط وفضلوا يتكملوا كدة يوميا

تفتكروا حبطل صلاة ؟؟
لو بطلت حبطل اصلي قدامهم عشان مش عايزة دوشة وزن لكن حاخد ايماني واقتناعي وصلاتي بعيد عن الناس دي
حعمل كده لو ينفع اني ابعد لكن لو ماينفعش ابعد يبقى حصلي قدامهم حتى لو مسكوا سكينة ودبحوني بيها

يعني موضوع ان فى حد بكلامه او تصرفاته يقدر يأثر على قلبين بيحبوا بعض عصفورين بيغرودا ياناااااااا اس مش معقولة على الحلاوة

مين بس اللى يقدر يهد العش ده .....تؤتؤتؤ...... كدة يبقى غلط اوي

طيب هما لو مصوصوش فى العش بتاعهم حيصوصو فين بس

تصدقوا ان فى ناس مقتنعة اوي ان فى ناس ممكن تخلي اتنين بيحبوا بعض اوي بقى والحب مالي حياتهم يبعدوا عن بعض من كلام الناس بذمتكم ده اسمه كلام ؟؟

طيب مثلا حصل زن حواليهم كتير وهما بقى قالوا ايه ده الناس مش عايزة تسبنا فى حالنا ماتيجي نسيب بعض احسن

يبقى بذمتكم ده ذنب الناس ؟؟

ماهيا لو كانت ماشية عدل حيحتار عدوها فيها ولاايه ؟؟؟

طيب مثلا حد فيهم عرف التاني عشان يقويه ويبقى سند ليه وملقاش الطرف اللى معاه مقويه بجد فسابه برضه مال الناس ؟؟

ولا حد فيهم مش بيحب المشاكل والكلام الكتير فحب يستسلم ويبعد عن المشاكل فبعد ...برضه مال الناس ؟؟

او اخ بقى استنوا المثل ده

واحدة جريت لواحدة تانية وقالت قويني بيك بقى انا هربانة من الدنيا وجارية لحضنك

الدنيا دي بقى جتلها لغاية عندها لغاية الحضن ده اول ماجت راحت سابت سميرة سعيدة قويني بيك ورجعت لدنيتها يبقى ده الناس ليه دخل بيه بذمتكم ؟؟


دي فى ناس بتصدق اوي ان الناس هيا السبب هيا السبب فى فشل قصة الحب القوية ويفضلوا بقى يحسبنوا الله عليهم ويقولوا حسبي الله ونعم الوكيل فيكي

ماهيا الامور كانت ماشية فلة وانتي السبب او انت السبب

ساعتهاالواحد حيسكت ويقول اوك لو انا ظلمتك وكنت سبب فى خراب العش الجميل او قصة الحب الملتهبة يبقى ربنا حياخدلك حقك مني

او ياستي احتسبيني عند ربنا

بصوا اياكان الاسباب دي او اسباب تانية احنا منعرفهاش

الناس مش بتقدر تهد حاجة قوية ابدا ولا تقدر على اساس متين

ده حتى الشيطان لايجرؤ يروح لحد ايمانه قوي ولو راح بيفشل

لكن الشيطان شاطر اوي اوي مع الضعيف واللى اصلا معندوش اي اساس

واي حاجة ضعيفة بتنكسر بسرعة

اللي بيفضل بجد الحب الحقيقي والقوي اللي بقاله سنين

يعني اللى داخل بين اي حد بقالهم سنين بيحبوا بعض وبينهم عشرة وحاجات كتيرة اوي اوي حتى لو الحب راح بينهم

لايمكن حيخسروا بعض ويخسروا بعض ليه بقى عشان حد من الناس!!!

اكيد اللى داخل بينهم فااااااااااااااااقد ياولدي

وبمناسبة الاجواء المحيطة دي وبمناسبة بقى اني كتبت بوست بعد غياب انا احب اهدي الاغنية دي لحبيبتي

وبرضه هيا مناسبة اوي لاي اتنين بيحبوا بعض بجد وبلاش نقول ناس وزن الناس بقى بلاش نعلق فشلنا ونقول الناس مكنتش عيزانا نبقى فى سعادة

دي حجة البليد ولاايه ؟؟؟



الحب اللى بيكسب والعشرة والحاجات الكتيرة الحلوة اللى مهما اتلم عليها عفار الزمن وعفار ناس قالت وعادت ودخلت هدت النفوس

وناس اصطادوا فى المية العكرة اول مالاقوا اي اتنين بينهم مشاكل نجري بقى

بحبك وانا كمان بحبك فيالا بينا وهيا بنا نلعب هههههههه

وبصراحة انا اكتر واحدة اتعلمت ان الحب هو اللى بيكسب ومهما كان ومهما حصل اللى داخل بين اتنين بيحبوا بعض بجد بيخسر كتير

وحتى لو كان بيحب من قلبه وحتى لو كان التاني حبه برضه بس لو حطينا حب سنين وعشرة وحب تاني او بمعنى ادق احتياج فتفتكروا انهي اللى حيكسب ؟؟

انا حسيب الحكم ليكم انتوا