احببت وجودك معي ,,, وافتقدك
احببتك وانتي ماضي الان ,,,واحببتك وانتي الان ذكرى
ايامك لن تعود واعلم انها لن تعود
دائما عندما اريد ان اتذكرك......وحقاً اريدك.... اقول "لو "
وعندما اريد ان اذكرك واتحدث عنك فاقول "كانت"
ولو ...وكانت = المستحيل
اصبحتي لي هو المستحيل
ولااملك غير ان اقول انني احببتك ....افتقدك
12 comments:
كلام من القلب
منمن يا حبيبتي اول مره تفرحي قلبي
البوست بجد روعه حبيته جدا والاغنيه دي انا بعشقها
اكتر جمله شدتني
ولو ...وكانت = المستحيل
لاني لا اؤمن ان في شئ مستحيل لكن في جزء معين بيكون مستحيل يرجع
لانه خارج عن ارادتنا ارجاعه
فقط الابقاء علي ذكراه
بمناسبه الكديسه الاعده اللي كنت اعدها قدام الماتش واجعالي ضهري بس كان موقع متميز
كوكا باشا
اول تعليق واول مرة فى البلوج بجد منورة ياقمر
قصدك ايه ياهانم بجملة "اول مرة تفرحي قلبي " قصدك ايه بقى ياهانم ياهانم
انتي صح فعلا فى حاجات كتيرة مستحيل ترجع لانها بتبقى خارجة عن ارادتنا وفى حاجات مستحيل ترجع لان خلاص مبقاش ينفع ومهما حاولنا نتعايش ونتكيف مش حنقدر نبقى مع بعض لاسباب كتيرة اوي اوي ماينفعش تتقال دلوقتي ولا ده مجالها
بس فى حالات كتيرة اوي بتخلي اننا نبقى مع حد بنحبه مستحيل مش شبه مستحيل لا هو مستحيل فعلا
فمش لازم كل المستحيل تكون حاجة خارجة عن ارادتنا وطبعا كلمة خارج عن ارداتنا دايما بنفسرها بالموت وبس
انا شايفة ان فى حالات تانية كتيرة اوي بيبقى فى مستحيل وخارج عن ارادتنا برضه ويكونا والاتنين عايشين بس مبقاش ينفع نبقى مع بعض
اما بقى ياجميلة بمناسبة القعدة اللى كانت قدام الماتش هو فعلا الموقع بقى متميز جدا بس ماتنسيش يافندم ان عملت عشانك ايه عشان اريح ضهرك واني حاولت بجد اخليكي قاعدة مرتاحة لانك كنتي قاعدة جنبي بتحركي وتفركي كدة فقولت كوكا حبيبتي لازم اريحك
انكري بقى قدام الشعب اني قومت من مكاني وقعدتك فى مكاني عشان ترتاحي انتي ومش مهم انا ياستي
وطبعاانا ذكرت انا عملت ايه عشان اريحك عشان افكار الناس ماتروحش بعيد ههههههههه
انا اي حاجة بكتبها انا عارفة انك بتحبيها وان ذوقي دايما بيعجبك
بس انتي بداري عشان الحسد ههههههههههه
نورتي ياكوكا ويارب ماتبقاش اول واخر مرة لانك منورة
سلاموووز باللبن
بس برضه انا عايزة افهم قصدك ايه باول مرة افرح قلبك دي
يا صديقتي العزيزه
كلام من القلب
انا قلبي انشكح اني لقيت في البلوج اسلوب معين انا بحبه في سرد احساس ما
ايه الناس دي
بصي يا ستي اصدي ان مفيش شئ مستحيل
ان رغبه الانسان في انه يعمل حاجه المفروض يفضل وراها لحد ما يعملها في عواقب اكيد... لكن ممكن في يوم من الايام تدوب العواقب
وفي مستحيل قطعي زي اللي مات مش ممكن يرجع
اي مستحيل تاني هو مستحيل نسبي
فهمتيني يا هانم يا هانم يا هانم
ويا منمن شاكرين مهلليين لافضالك عليا
دا كتير والله
وهعمل نفسي مش واخده بالي من اخر كام سطر
انا عطشانه اوي طيب افطر وتاخدي انتي ذنبي يالا كملي ثوابك فيا
كوكاباشا
عندنا للمرة التانية يامرحبا يامرحبا
قلبك انشكح عشان كتبت حاجة انتي بتحبيها بالطريقة اللى انتي عيزاه
انا لو اعرف كدة مكنتش كتبت ولا حسيت ههههههههههه
لا بجد انا كدة سعيدة ان البوست عجبك
بصي المستحيل نسبي ايوة يعني اللى اشوفه انا مستحيل ممكن تشوفيه انتي لا وممكن يتحقق
ولما قولت مستحيل انا قصدي مستحيل للشخص نفسه مش للي حواليه
احيانا فى ناس بتموت معنويا لينا وده بالنسبة لينا مستحيل اننا نعيش او نرجع لحد مات بالنسبة لينا
لكن ممكن غيري او غير اللى شايف كدة انه يشوف لا ده مش مقنع وممكن
براحته هو بقى يشوف اللى عايزه لكن الشخص اللى يهمه الموضوع شايفه مستحيل
بس زي ماقولتي ان فى مستحيل قطعي زي اللىمات ده بقى بالنسبة لكل البشر ماينفعش يرجع
ايه موضوع اخر سطرين دول ده انا روحت وقريت تاني قولت اشوف يمكن اكون قولت حاجة
بس انا عارفة اك واخدة بالك اوي صح هههههههههههههه؟
انتي لحقتي تعطشي ؟
وعطشتي ليه ياهانم عطشتي من الكتابة ولاايه ؟؟
لا ياهانم الذنب انا مقدرش اشيله ابدا شيليه لوحدك وانا ولااعرفك
شوفتي انا بعزك قد ايه بقى
سلاموز ليكي ياقمر
Dear Kalam
ilpost dah geh 3la ilgar7 awii awi liani bgd lisa baftekerha w bafteker kalamha w sotha bs zy ma 2olty ba2et law w kanit:(
mish 3arfah a2olik motshakira lianik 2alibti ilmawagi3 wlla minnik lilah:))
bs bgd ilkalam 7elw w malyan i7sas.
Salami leeki ya gameela
كلام من القلب
ازيك وحشتنينى
كل سنه وانتى طيبه
بوست جميل اوى ومعبر جدا
وفكره ربطك الماضى بالمستحيل
واسمحيلى ابدى اعجابى بمدونتك بشكل عام
وبالاغنيه الرقيقه اللى انتى حطاها
بجد انتى رمنسيه ورقيقه اوى
بتمنى لكى السعاده والحب مع حبييبتك
وانك تاخدى بالك منها وتكونى دايما بخير وسلام
انا هنتظر زيارتك ليا
تحياتى
العزيزة دريمي
انااسفة بجد لو كان كلامي جه على الجرح وفكرك بحاجات ضايقتك
بس الواحد فى علاقات فى حياتنا بتبقى فعلا مستحيلة ومفيش امل للرجوع باي طريقة بقى موت وده حاجة حتمية وخارجة عن ارادتنا
واحيانا كتيرة بتبقى ظروف تانية وبرضه بتلاقي نفسك مش قادرة تبقى مع الشخص ده ودي برضه حاجة خاجرة عن ارادتك
لان دي مشاعر والمشاعر مش حنقدر نتحكم فيها ابدا
وربنا يخليكي ياجميل ان الكلام عجبك بجد
تحياتي ليكي ياقمر
مثلي اوي
شكرا ليك على الكلام الحلو اوي ده
وكل سنة وانت طيب ياجميل
بجد بشكرك على الكلام الجميل انا وحبيبتي جسور
وانا سعيدة ان البوست عجبك والاغنية كمان
وحاضر ان شاء الله حبقى اجي وازورك فى مدونتك قريب ان شاء الله
تحياتي ليك
وانا لا املك غير انى اقول لك
حسبى الله ونعم الوكيل هههههههههه
هو بعيدا عن ان البوست تحفة وكلامه فى منتهى الرقة والرومانسية
بس ليه يا ماما ليه ؟؟؟
وانتى اكيد فاهمانى لان لسانى وجعنى
بس سعد زغلول قالها ومات
مفيــــش فايـــــدة
انتى عارفة كلمة ولو ..وكانت
فكرتنى بهندفنوها واللا هندفناها
:)))
يا بنتى انا فى عرضك بصيص امل لله
اين المنظار الوردى ؟؟
طبعا انتى هتسيبى كل التعليق وتقوليلى منظاااااار ؟
:))
تحياتى يا قمر على البوست الحلو
سما
ايه بس بتحسبني عليا فى رمضان ياسما مش حرام عليكي
ده انا بجري على العيال وامهم وابوهم
يافندم والله انا فرحانة ان البوست عجبك بغض النظر عن منظارك اللى انتي مش شيفاه هنا هههه
هو بصراحة لسانك ومناخيرك انتي تعباهم معاكي انا عارفة ههههههه
انااكتر واحدة مقتنعة بجملة مفيش فايدة لان فعلا مفيش فايدة
الراجل لو كان عايش لغاية دلوقتي كان مقدرش حتى يقولها حيقول انا مش اقولها بس انا حكتبهالكم وابقوا علقوها بقى مش فاضيلكم انا عايزة اموت من القهرة
بس اوعدك يافندم اني ححاول بس موعدكيش عشان انتي عارفة اني نكدية بصراحة
بس انا مبسوطة ان البوست عاجبك بجد
قال صحيح ياسما هو ايه المنظار الوردي ده
طيب يعني نلاقيه عند الدكتور ده ولا معمل التحاليل ههههههههه
فظيعة انا دمي عثل عثل
منوراني ياقمر
حبيبتي الجميلة جدا جدا
كيف
و لماذا
و هل
بين الاسئلة تضيع الاجابات و تبقي وحدك تقاتلين الذكريات بالحب و السعادة
اتمني ان تنتهي معركتك بالنصر !
احبك و سأظل !!!!
حبيبة قلبي اجمل جسور
اقول ايه بس انتي دايما فهماني ومقدرة مشاعري
ودايما معايا فى كل لحظة ربنا يخليكي ليا
ويحميكي ليا يارب
طول ماانتي معايا كل حاجة حتبقى جميلة ان شاء الله
دومتي ليا يارب
بحبك
Post a Comment