مـدنية الحب أمشى فى شوارعك
وأنا أري الحب محمولا بأكفانىِ
صبوا العذاب كما شئتم على جسدى
فلا شهود على تعذيب سجانى
رجعت للدار أمشى فوق نيرانى
كفا لكف يقود خطايا حرمانى
هل من مجيب أنا بالباب منتظرا
لا أحمل الورد أحمل طوق أحزانى
ذهبت مع الريح فاصحو يا مدللها
كاسا هى الان ليدي عاشقا ثانى
عيناى شفتاى أعصابى خيالى دمى
يبحثون عنها بين احضانى
قلبو الأساس وضجو حولى صورتها
متظاهرين كشعب خلف قضبانى
نريدها اليوم شمعتنا حبيبتنا
لا زاد لا نوم عصيانا بعصيانى
يا أيها القوم يا جسدى وعاطفتى
كفى ملاما فجلد الذات أدمانى
صفعت وجهى أهذا يا زمان أنا
أنا أذلني الحب أخرسنى وأعمانى
بعد الفراق رايت الصبر شيعنى
فى صحوة الفجر أمش مشى سكران
يخفينى الليل والذكرى تعذبنى
وحارب النوم ذاكرتى وأجفانى
برضه بحبك ..بحبك..بحبك وحفضل أحــبــــــــــــــــــــك
8 comments:
عزيزتي منمن
طبعا سمعت الاغنية قبل لاني من عشاق الاغاني القصائدية الي بغنيها كاظم
لكن دي اول مرة ابكي عليها طبعا مع جو المدونة مالقيتش دموعي الا بتهطل مطرا
:)
بس ده هو الحب عالم بأسرة
ويفعل بنا العجائب والمعجزات ايضا
ربنا يسعدك
وتمنياتي بحياة باجمل مدن الحب
عزيزتي منمن
هو الحب دايما فيه عذاب وحلاوة الحب بعذابه
بس ليه بنختار ناس دايما مش بيقدروا الحب والتضحيه
ورغم كده وبنكون عارفين بس بنمشي بطريقه المرسوم لينا
وهي اقدار مكتوبه
حاولي تنظري للزاويه التانيه علشان ما تفضلي في حالة العذاب والبكاء على الاطلال
لان الي ما بيفكر فينا وباعنا لازم ننساه
يا رب يسعدك
ودمتي بحب
العزيزة انجل
الاغنية دي انااول مرة اسمعها برضه
بس انا فى كوبليه بعشقه وبعيد وازيد فيها لدرجة اني بحس ان كاظم حيطلع ويقولي ارحميني هههههههه
انا بقى لما بسمع الكوبليه ده بحس اني بموت مش عارفة ليه
او تقريبا عارفة .. بس ماعلينا
بس انتي صح هو ده الحب فعلا نفرح ونتعب ونتألم
عادي بقى
ربنا يسعد قلبك ويفرحك ياجميل
دمتي بخير وسعادة
عزيزتي ريم
اولاانتي بتنوريني دايما ياقمر
الحب انا مش عارفة اقول ايه عليه
بس الواحد بيفرح شوية والباقي كله عذاب وألم
بس برضه فى ناس بتفضل طول عمرك يستحقوا انهم يبقوا فى قلبك
وحتى وانتي حاسة بالالم ده عشانهم
مش بتقدري تنسيهم
لانهم بقوا جواكي وماشيين فى دمك
بس اكيد بتفضلي تتمنى ليهم دايما الخير والسعادة
وانا من قلبي دايما بتمنى الخير للكل
فى ناس ياريم تستاهل انها تفضل فى قلبك وتتمنى ليهم الخير مهما عملوا
وفي ناس ماتستاهلش حتى انك تفتكريها اصلا
ربنا يفرح قلبك ياقمر
منوراني
i am back again
mosh 3arfa eh ser kelmat UNIQUE el ayam dee ana bardo 3am btt5demha gedan heya leha 3ala2a be borg el 3aqrab maybe hehehehe
3agbatni modwanr el tanya gedan bas ma qdertsh aseeb comment leh i don't know
bas 3awza aqol something
eza enty bt7bi sha5as ma o r7 yafdal gwake 7aweli trga3ylo be kol el toro2 ... la en el real love ma begee el mara wa7da
have a nice day
عزيزتي انجل
اهلا بيكي تاني وتالت ورابع
ايوة يافندم احنا عقرب زي بعض اعتقد ولاانا سرحت ولاايه هههه؟
اه يونيك دي كانت كلمتي فى كل حتة
احنا بقى عايزين نشوف ليه ياهانم ياهانم بدل عجباكي المدونة وجدا كمان مش عايزة تسيبي تعليق فيها ؟؟!!!
تفتكري ان ده يكون انتماء لبلوج كلام من القلب ؟؟
ولا قولتي انا مكسلة يعني اروح اشوف واعلق كمان لا كدة كتير والله ههههه
اما بقى على نصيحتك فاانتي صح الحب الواحد لو لاقاه مايتنازلش عنه ابدا صعب انك تلاقي حب بحد حب حقيقي فعلا
وانا ححاول اخد بنصيحتك بس مش حقدر اكمل كبرت بق ونفسي قصير هههههه
منوراني ياقمر ومستنياكي تيجي المرة التالتة وتاخدي 75 قرش بقى
جيت المرة دي عشان اخد جنه و75 قرش
لالا بصي انا التلك ماقدرتش اعلق لاسباب مش مني بل هي في المدونة الكومنتس اصلا ماكان يفتح معي ابدا
الخلل من عند حضرتك صلحيه هااااا
بصي لو الحب كان الحقيقي كملي للاخر
واشتريلك نفس صناعي عشان تكملي
ايوا صح عقارب مسرحتيش بتاتا
يلا كفاية رغي والله مش رجعالك تاني هنا الا ببوست جديد
فماتستفزينيس عشان اعلق تاني هنا
:D
انجل هانم
اولا انا بشكرك جدا انك كتبتي بالعربي انتي مش متخيلة انا بيجيلي تخلف عقلي من الفرانكو اراب وعندي استعداد اخسر اصحاب لو كتبوا كدة اقولهم خلي كلامنا لايف احسن هههههههه
اما بقى ال75 قرش فاانتي ليكي عندي جنيه بحاله يالا ان شاء الله ماحد حوش
تصدقي انا مش عارفة اشكرك على ايه ولاايه
انتي الوحيدة ولولاكي مكنتش اخدت بالي خالص اني عاملة حاجة غلط فى التعليقات وقفلاها
فبجد بشكرك يافندم انك خلتيني اخد بالي
جمايلك كترت عليا وشكلي حتنادل معاكي طبعا ومش حردلك اي حاجة ههههههه
منوراني ياجميل واحب بعد التعديل اللى عملته اشوف تعليقك بقى منور هناك
سلام ياقمر
Post a Comment