بصراحة الفكرة دي جتلي من مسلسل شوفته فى التليفزيون والفكرة دي فكرت فيها اوي
: وتخيلت الاتي
: وتخيلت الاتي
لنفترض اسامي فى الفكرة دي عشان ماتهوش معايا
الشخص الاول اسمه : أحمد
الشخص التاني اسمه : محمد
دلوقتي محمد بيكره أحمد وبيكرهه اوي وعايز ينتقم منه لاي سبب بقى
أحمد ده ممكن أذى محمد بطريقة غير مباشرة او اذي حد عزيز عليه
او ممكن أحمد اساسا ميعرفش محمد من اصله ولا يعرف مشاعره اللى هو شايلاها جواه ناحيته
ركزوا معايا اوي ونبي فى الحتة اللى جاية دي واوعوا تتوهوه مني
احمد لاقى محمد محتاج اوي فساعده جامد وهو ميعرفش اصلا
ان محمد ده بيكرهه ولا عايز ينتقم منه
ان محمد ده بيكرهه ولا عايز ينتقم منه
محمد عارف ومتاكد ان أحمد ميعرفش برضه انه هو بيكرهه وعايز ينتقم منه
المهم ان أحمد ساعد محمد وساعده اوي وغيرله كل حياته وخلاه شخص جديد
المهم ان أحمد ساعد محمد وساعده اوي وغيرله كل حياته وخلاه شخص جديد
ووقفه على رجله ساعده بجد بكل معنى المساعدة
السؤال المهم اوي بقى
هل معقولة بعد كل ده وكل اللى عمله احمد مع محمد يقدر محمد يفضل يكره أحمد
يقدر لسة يكون جواه الكره وفكرة الانتقام دي ...معقولة تفضل بجد ؟؟
"ولا المثل اللى بيقول "اذا انت أكرمت اللئيم تمردا
هل المثل ده صح وحيبقى صح فى الحالة دي ؟
ولا محمد بعد مايلاقي المعاملة دي من أحمد احساس الكره وفكرة الانتقام تنتهي من جواه ؟؟
بصراحة الله اعلم معرفش
السؤال المهم اوي بقى
هل معقولة بعد كل ده وكل اللى عمله احمد مع محمد يقدر محمد يفضل يكره أحمد
يقدر لسة يكون جواه الكره وفكرة الانتقام دي ...معقولة تفضل بجد ؟؟
"ولا المثل اللى بيقول "اذا انت أكرمت اللئيم تمردا
هل المثل ده صح وحيبقى صح فى الحالة دي ؟
ولا محمد بعد مايلاقي المعاملة دي من أحمد احساس الكره وفكرة الانتقام تنتهي من جواه ؟؟
بصراحة الله اعلم معرفش
بس انا عن نفسي مقتنعة تماما ان ماينفعش حد يبقى كويس معايا
ومهما كان عمل قبل كدة بدل بقى كويس معايا وبيعاملني بحب واحترام
اني اقدر لسة ابقى شايلة جوايا كره او اي مشاعر سلبية اتجاهه
انا ممكن مقدرش احبه بس برضه لازم اني مكرهوش ولااقدر أأذيه
مش عارفة انا صح ولا غلط
بس احب اعرف رايكم انتوا بجد ياترا ايه فى الحالة دي ؟؟
انا ممكن مقدرش احبه بس برضه لازم اني مكرهوش ولااقدر أأذيه
مش عارفة انا صح ولا غلط
بس احب اعرف رايكم انتوا بجد ياترا ايه فى الحالة دي ؟؟
9 comments:
وكان هولاكو رجلا ظالما
انا توهت في الاول وبعديت استعدت الوعي وادركت الموضوع
بصي
بصيتي طيب
بصي محمد بيكره احمد لو محمد عنده شويه احساس ولقي ان احمد عامله كويس حتي مجرد المعامله الكويسه مش شرط حتي يكون وقف جنبه المفترض نه يلغي فكره الانتقام وانا اصلا مش بحب فكره الانتقام نهائي
وممكن محمد يطلع من النوعيه التانيه
اللي كل ما لقي احمد انسان كويس اكتر كل ما الكره اللي في قلبه زاد اكتر
وده اكيد يبقي عايز الحرق
بصي تاني
انا مؤمنه بجمله اتقالت في فيلم ويجا
اننا لو دورنا علي اسباب علشان نكره بيها بعض هنلاقي
ولو دورنا علي اسباب نحب بيها بعض برده هنلاقي
وانا من هذا الاتجاه المتسنتر احب اقولك ان الاغنيه حلوه
الراجل دا جوز الست دى والست دى مرات الراجل دا
ايييييييييه
أمال انت جوز مييييييين ؟؟
لو شاطرة قولى مين بيقول كده ؟
يعنى ما شاء الله لففتينى حوالين نفسى ومبقتش عارفة مين بيكره مين وحسيت انى عايزة اقول ملعون ابو المسلسلات كلها اللى بتخليكى تعملى فينا كده :))
بس ما علينا احاول اركز
بصى انا دايما بعتقد ان الحب ممكن يكون من غير سبب لكن عمر ما الكره كان من غير سبب
يعنى انا ممكن حد يبقى تقيل على قلبى فاقول يا ساتر على السم يا ناس لكن انى أكره حد او احطه فى دماغى فأكيد بلا شك انه زبالة ويستاهل انه ياخد بالجزمة على دماغه
واخدة بالك بقت جزمة لاننا داخلين على شتا ورجلى كده هتبرد :))
وحتى فكرة الانتقام مش هتبقى كده مع كل من هب ودب
يعنى انا من الناس اللى عمرى ما بسيب طارى لكن فى نفس الوقت مش هقعد اشغل دماغى بكل حشرة هتعدى قدامى
يعنى كفاية انى أفضل دايسة عليها كده بجزمتى لحد ماتقول حقى برقابتى ساعتها بس هيبقى ربنا رحمها من ايدي
لكن لو حالة ميئوس منها يبقى الله يرحمها اكيد اكيد مش هسيبها طول ما انا فيا نفس
وكان هولاكو منتقم جبار هههههههههههه
على فكرة يا منمن المسنجر عمل كالعادة وحلف ما يدخل وقعدت اقوله لاااااااااا بس مفيش فايدة
صحيح هو دا مسلسل ايه ها ايه ؟؟
سلام يا قمر وسلامى لجسور وقولى لها مفتقدينها
هااي كلام
بصي هو أنا فهمت من اول ماقلتي ركزوا معايا يعني كلو تمام المتاهات دي مش عليا
خلينا نفوت بالموضوع عطول :D
بصي حضرتك أنا لو كنت عاوزة انتقم من حد من الاول اكيد مش هخلي يحتك معايا بأي حاجة أبدا لان أيا مساعدة منو لأي حاجة ليا أكيد رح تخليني أتراجع عن فكرة الانتقام
لأان أكيد مش رح اعض الايد الي تمدتلي ولو كان بقلبي حقد عليه يعني معاملته الحسنة ليا تمسح أي ذنب عليه
وأنا قلبي طيب حبتين يمكن ماعرفش إذا أنا صح ولا غلط بعد كل الرغي ده
على العموم هو الانتقام بشع بكل أنواعه
وألف تحية
عزيزتى
كل سنه وانتى طيبة على الهوا اهو
لازم محمد واحمد يعنى توهتينا كنتى خلتى محمد وعتريس مثلا وانا هرد على اساسا احمد عتريس اسهل
شوفى الحل بسيط خالص مش محتاج تعب
محمد بيكره عتريس صح
بس عتريس عمل واجب مع محمد وهو مش عارف انه بيكره
محمد يشوف الاذيه اللى عملها عتريس ليها علاج ولا اذيه دمرت حد
طيب عتريس ندم وتاب على اللى عمله ولا لسه مستمر فى اذيته
لو عتريس(احمد يعنى) تاب وندم المفروض محمد يسامحه لانه بقه كويس وكفايه انه عمل معايا خدمه من غير شئ وراه
لاكن لو عتريس مندمش وهو زى ما هو يبقا ابعد واستنى يوم اردله الواجب ده
ونقول بلاش يكره بس ميحبهوش ولا يصاحبه
واهم شئ المفروض حكمنا على الشخص مش انه عمل معانا احنا ايه وبس
نشوف عمل مع غيرنا ايه
مش انسان كداب بس صادق معايا اعتبره صادق ده كداب وميت الف كداب وفى يوم هيكدب على اكيد
تحياتى
سلام
كوكا
لا يافندم التوهان الواحد بيفهم فى الاخر لكن تستعيدي الوعي بقى يبقى انتي غمى عليكي عندي وده طبيعي طبعا انا اصلي عندي الجو مريح فالواحد بيغمى عليه اول مايدخل البلوج هههههه
وطبعا انا باصة ومركزة معاكي جدا
بصي ياجميلة وياريت تبصي كويس
فكرة الانتقام دي فكرة صعبة اوي وبدمر صاحبها
اصلي مش اي حد بيعرف ينتقم ولااي حد يستاهل اصلا انك تنتقمي منه
اما ان محمد لو لقى احمد كويس معاه زاد فىالكره فده بقى يبقى حقد وغل جواه يروح يتعالج بقى الدكاترةمالية البلد وطبعا مش حيعالجوه فيحفضل كدة لغاية مايموت من الكره اللى جواه
شوفتيني وانا دكتورة بذمتك هههههههههه
انا عجباني جدا جدا الجملة اللى اتقالت فى الفيلم دي وانا مقتنعة بيها اوي زيك
طيب ماانتي كويسة اهو بتحفظي حاجات فى الافلام وامال معايا بتهنجي ليه بس هههه
ونبي ابقى ركزي معايا فى هذا الاتجاه المتسنتر دي
وبعدين انااي حاجة احطها او اعملها بتبقى حلوة
صح ولا لأ يافندم ؟؟؟ وبصيلي وانا بسالك السؤال ده ولذلك حكمة هههههه
تحياتي ليكي ياقمر
سما هانم
بتوريني يافندم دايما والله
يافندم احنا مش ذاكرة السينما زيك احنا بنتعلم منك انتي فلو انتي مش عارفة مين اللى بيقول كدة انا حعتبر الجزء ده مجاش لا في اي فيلم ولا مسرحية
بدل سما بجلالة قدرها وقتها فى ذاكرة السينما مش فاكرة يبقى تتحذف من السينما اصلا ياباشا
وايه الناس اللى جاية تتوه عندي دي
ايوة قوليلي انتي حتقرفينا تتفرجي وتيجي تطلعيه علينا ركزوا بقى الله يخربيتكم مليتوا البلد هههههه
وايوة انا مقتنعة زيك بالظبط الحب ممكن يكون من غير سبب بس الكره لازم يكون ليه سبب فعلا اصل الكره ده احساس صعب فلازم يكون ليه سبب
انتي ممكن ماتحبيش حد وتشوفيه سمج لكن تكرهيه يبقى صعب اوي
انا والله موضوع الجزمة والسابو والحزام انا مش حركز انا كفاية انه حيضرب بايه مش حتفرق بصراحة المهم انه حياخد على ام رأسه وبس ههههه
وهو ده اللى بقوله ياسما هانم ان مش اي حد انتقم منه فى ناس متستاهلش اصلاان الواحد يفكر فيها
وفي ناس تستاهل بصراحة لانها مش حتتعلم ولا حتتعلم الادب غير مالواحد فعلا يرد اللى عملته بنفس طريقتها
انا مقتنعة لكل فعل رد فعل
انا ممكن حد يعمل معايا حاجة اردها ليها اقوى وحبقى مش غلطانة لان هو اللى بدء وفضل يزن على خراب عشه بقى
وانااقول عدي ياليلة عدي ياليلة ومفيش فايدة
فاوك ثانية واحدة بقى اتحزم واجيلك
لكن معاكي انتي ياسمسم حتبقى ثانية واحدة اجيب الجزمة واجيلك هههههههههههه
يافندم هو تفتكري لما تقولي الماسنجر لاااااااااااااا حيسمع الكلام ويدخل ؟؟؟
طبعا مسلسل ايه انا قولتلك يافندم صح ؟
وتحياتي ليكي ولحبيبتك ناردين
هايين ياشاي انجل
اخيرا لاقيت حد مركز معايا يافرحتي يافرحتي بجد ايوة كدة فرحيني ونبي الكل داخل تايه
ايوة انتي صح اوي لان هو مش عايز يرق ليه بقى وهومش فاضي وعايز ينتقم فاضل هو يقرب بقى ويشوف الانسان ده كويس ولا لأ
بس يافندم مش اي حد بيعمل زيك ان لما حد يعاملني كويس حيخليني ابقى كويسة معاه وانسى فكرة الانتقام
لا فى ناس بتستمر عادي جدا ولا كان الانسان ده عمله حاجات حلوة ولااي حاجة لان ده اصلا بيبقى مش بني ادم
لان زي ماقولتي صعب اوي حد مدلي ايديه بالخير وانا ولا هنا وافضل برضه بكره وحنتقم منه
بس خلي بالك كلمة الانتقام دي اكيد الشخص ده عمل حاجة تستاهل الانتقام فمهما عمل حاجات كويسة مش حتخليني انسى
يعني مثلا قتل حد من اهلى ايه انسى عشان عملي حاجات كويسة لا طبعا
يااما انتقم ومش حيهمني عمل ايه يااما انسى اصلا فكرة الانتقام واسيبه لربنا بقى
انتي قلبك جميل يافندم واستمري فى الطيبة دي
والانتقام ده اوحش حاجة فى الدنيا وبدمر صاحبهااصلا
وتحياتي ليكي
عزيزي حسام باشا
كل سنة وانت طيب على الهوا مباشرة
انا والله مش فاهمة ليه الكل تاه انا شايفة ان الكلام واضح جدا بس الظاهر اني انا كنت غلط
اولا انا عايزة اقولك اني موافقة جدا على كلامك
فعلا احمد لو كان انسان وحش مع الناس وكويس بس مع محمد فده مش معناه انه كويس لان اكيد حيجي يوم ويقلب على محمد
بس مش عارفة انا بعتبر ان مثال الكدب ده مش صح ومتستاهلش اني افكر انتقم او اكره حد عشان بيكدب
انا ممكن اكدب على الناس كلها وابقى صريحة مع حد واحد بس وعمري مااقدر اكدب عليه
فمش لازم عشان انا كدابة مع الكل ابقى كدابة مع الشخص ده
ممكن الانسان الخاين مثلا لو هو بطبعه خاين يبقى اكيد حيخون الشحص ده
اي صفة تانية صعبة اوي
واكيد طبعا اللى حيخليني استمر فى اني انتقم من احمد لو حسيت انه مش ندمان على اي حاجة عملها وحشة فى حياته ساعتها حعرف انه معندوش دم بقى
وحقول لنفسي ان ربنا خلاني انا سبب فى اني اخد حق كل الناس اللى احمد ظلمهم
ماهو ياحسام ربنا بيسلط ابدان على ابدان وده انا مقتنعة بيه جدا
نورتني ياباشا
وتحياتي ليك
hi ya basha:
el 2enteqab da3f o waisting time but forgivness only can be don by people who have power,and its is teh best thing just to forgive as we cant forget
salamy leky o l gosor
belmonasba el blog beta3ha te22el awy o mesh beyrda yefta7 bas tell her that i'll call her tomorrow morning inshaa allah for some news
salamoz
Post a Comment