دلوقتي في حب كبير وغرام كبير وفضلوا سنين مع بعض
كان اول حب اول كلمة بحبك اتقالت ليه
اول مشاعر كانت ليه وبداية اي احساس حلو كان ليه وكبروا مع بعض وكبر حبهم
وفجأة حصلت ظروف وبعدوا عن بعض من غير اي خلاف حصل بينهم
ومرت سنين ماحدش فيهم يعرف حاجة عن التاني
وتحصل المفاجأة بقى ان حد فيهم وهو قاعد فى مكان معين
وتحصل المفاجأة بقى ان حد فيهم وهو قاعد فى مكان معين
صادف التاني وعينهم جت فى عنين بعض
ياترا حيحصل ايه وايه رد فعل كل واحد فيهم وحيبقى ايه تفتكروا ؟؟
ياترا حيحصل ايه وايه رد فعل كل واحد فيهم وحيبقى ايه تفتكروا ؟؟
-:ملحوظة هامة جدا
طبعا انا سايبة الموضوع مفتوح كل واحد يقدر يجاوب باي احتمالات جواه
طبعا انا سايبة الموضوع مفتوح كل واحد يقدر يجاوب باي احتمالات جواه
زي لو حد فيهم مرتبط يبقى حيبقى رد فعله كذا او زي لو حد فيهم الحب اللى جواه انتهى فحيبقى رد فعله كذا
فانا محبتش احط اي احتمالات عشان مضيقيش الفكرة
فانا محبتش احط اي احتمالات عشان مضيقيش الفكرة
حبيت اسبها مفتوحة واخلي كل واحد يقول ممكن يبقى رد الفعل ايه على حسب احتمالاته هو
9 comments:
عزيزتى
ايوه كده وحشنى اوى مواضيعك الجامدة دى
بس انتى بتقولى حب كبير وغرام كبير وسنين مرت عليه ايه ده وسابوا بعض
تقريبا مفيش ظروف تخليهم يسيبوا بعض الا حاجتين
حد فيهم يموت
حد حس اخيرا انه مش بيحب بجد واحساسه كان وهم
بس ماشى هعديها واقول سابوا بعض لظروف خاجه عن الطبيعة مثلا
شاوفى يا قمر
مهما كان ظروف اى منهم واى كان حالة اى حد فيهم
بدل فى بلد واحده ومفكروش يشوفوا بعض بالذات انك بتقولى مريت سنين
اظن ان الحب اللى جواهم راح خلاص ووممكن يقعدوا يطمنوا على بعض بس لان كان بينهم شئ جميل
لاكن اكتر من كده مش هتلاقى
هو ايه فى حد بيحب ويقدر يسيب حبيبه ويكون عنده فرصة حتى يطلع عليه وميطلش بس يشوفه فجاءه هيصحا اى احساس ليه
انا بعترض ليه هو فى حد قال ان الاحساس هيصحا
معلش نسيت ان ده اول تعليق
بس بستهبل علشان محدش يفكر يقول كده
للاسباب اللى قولتها
تحياتى
سلام
حبيبتي الجميلة جدا
دائما كتاباتك محفزة للتفكير و التأمل ....بوست حلو شديد بس طبعا مش احلي من صاحبته
شوفتيني و انا باتغزل فيكي علني هههههه
:)
اولا يا سيتي بما انهم سابوا بعض من غير مشاكل يبقي اكيد كانت حاجة خارجة عن الارادة او علي الاقل حاجة عندها علاقة بانهم ما ينفعوا يكونوا مع بعض او انهم في لحظة ما اكتشفوا ان مشاعرهم ما كانت مشاعر حب انما اخوة او صداقة او اي حاجة و بالتالي انا افترض ان الود بينهم مازال محفوظ و بالتالي اذا انا كنت في الموقف ده حاروح اسلم علي الشخص عادي يعني و اسأله عن اخباره و اذا كنت انتي معايا و اكيد طبعا طبعا انا حاكية ليكي عن الشخص ده فحاخدك نسلم عليه سوا ده طبعا اذا انتي ما عندك مانع
:)
بصى يا ستى انا زمان زماااااان من اكتر من 10 سنين كان فيه قصة كده بينى وبين واحد ومنكرش انه كان عاجبنى جدا وأثر فيا لان شخصيته كانت مختلفة عن اى راجل عرفته بس مقدرش برضه اقول حب يعنى هو كان حالة حب
المهم انى انا اللى اخدت قرار انى ابعد عنه رغم ان مشاعرى ناحيته كانت منتهيتش بس بعدت تمااااما
وبعدها بحوالى 3 سنين تقريبا كنت فى كافية اول مرة ادخله وكنت مع واحد صاحبى وبرفع عينى لقيته داخل ناحيتى
عايزة اقولك رغم ان مشاعرى طبعا كانت انتهت لكن انا رحت بصيت له وكنت بعمل حاجة فى الموبيل فرحت موطية راسى تانى مكملة اللى بعمله فى الموبيل
وهو تقريبا كان بيشوف حد من اصحابه موجود فى الكافيه او لأ
وهو ماشى كان فى الكافيه من برة زي فتحة شباك فهو خرج من الكافيه وراح واقف يبص عليا من فتحة الشباك دى
وبعدين اختفى
المهم انى بقى اللحظات اللى هى مش اكتر دقيقة دى مرت عليا كأنها ساعتين
والظريف فى القصة انى مسمعتش ولا كلمة من اللى صاحبى اللى قاعد معايا كان عمال يرغيه وكنت حاسة فعلا ان حد سادد ودانى وان الدنيا ضلممممة
وتحسى انك فجأة كده فوقتى وبتبصى حواليكى وتقولى انا فين هههههه
وطبعا من يومها مدخلتش الكافية دا تانى ولا شفته هو تانى الحمد لله
بس انا شخصيا مش عارفة انا اتخضيت كده ليه لما شفته رغم انى انا اللى قاطعة معاه وانا اللى بعدت
يعنى القرار كان بتاعى بس بجد كان احساس عمره ما حصلى ومحبش انه يحصلى تانى هههههههههههههههه
حلو اوى اوى الموضوع يا منمن
سلاموز من غير لبن
for me,,, after long time passed
i may need to try again with this person coz it will be as a new relation regardless that i'm in another relation or not lol
no need to think deep just i'll try if when i met this person i felt i want her ..
i would do that espicaly if she is YAMI :p
thank honey
عزيزي حسام
بص ياحسام اكيد فى ظروف وانا سبت كل واحد وتخمينه فى الظروف بقى يعني ممكن يكون فى سفر لحد فيهم واحيانا ظروف الحياة بتاخد الواحد وممكن يكون خلاف اهل وممكن وممكن وحاجات كتير اوي المهم
لكن حد فيهم حس انه حبه مش حقيقي ووهم فبعد يبقى لو ساف اللى بيحبه مش حيتأثر وحيسلم عليه عادي لان كان فى بينهم عشرة لانه هو اللى بعد بأرادته وعرفانه مكنش بيحب
طبعاانت فرضت انهم كانوا فى بلد واحدة اوك نمشي ورا افتراضك ده مش لازم ان لو فى بلد واحدة ان متحصلش ظروف يبعدوا عن بعض فيها فلما يشوفوا بعض مايحصلش لوهلة اشتياق للحب ده ممكن تحصل صح ولا لأ؟؟
بس بعد كدة يااما يكتشفوا انهم لسة عايزين بعض وعايزين يكملوا مع بعض يااما حيكتشفوا بعد الصدفة دي ان الحب اللى بينهم انتهى فعلا وحيبقى اللى بينهم زي ماانت قولت شيء جميل
وبس
ياحسام باشا انت تقول وتعترض زي ماانت عايز انا اخدت على كدة والكل أخد خلاص فبراحتك اوي
تحياتي ليك ياجميل
حبيبة قلبي
انتي دايما رافعة معنوياتي ياقلبي وانتي تتغزلي فيا قدام الناس وفي اي وقت ياقلبي انتي حرة ماهو لو انتي مااتغزلتيش مين بس اللى ليه الحق يتغزل
ماهو ياحبيبتي فعلا ده ممكن يحصل ان هما يبعدوا وتكون اسباب خارجة عن ارادتهم ولما يشوفوا بعذ بعد فترة يكون حد فيهم ارتبط فطبعا يكون خلاص الحب راح واللى بينهم بس عشرة
فلما يشوفوا بعض حيسلموا على بعض وحيبقى بينهم الحنين للماضي وبس لكن الحب راح
لان فى مثل بيقول البعيد عن العين بعيد عن القلب
طبعاانا مش مقتنعة خاااااااااااااااااااالص بالمثل ده بس ماعلينا
سلامي لاجمل قلب فى الدنيا واجمل جسور فى الدنيا
بحبك ...ايكادوللي
سما باشا
من 10 سنين هو انتي عمرك فيه كام 10 بس ده معنى كدة انك عرفتيه وانتي طفلة
شوفتيني وانا بتريق عليكي هههههههههه
بس هو ايه الفرق ياسمسم بين حالة الحب وبين الحب ؟؟
يعني ازاي انتي تعرفي انك فى حالة حب مش حب حقيقي
بجد اصلي حموت واعرف الفرق بقى
وليه اخدتي قرار انك تبعدي وانتي بتقولي انه كان عاجبك وشخصيته مختلفة وانه أثر فيكي ومشاعرك ماانتهتش
ايه سبب البعد يعني .؟؟
شوفتيني وانا مناخيري طولت وعايزة اعرف ههههههههههه
طبعا الموقف اللى انتي بتقوليه ده انا قولتلك ان قلبي واجعني لاني تخيلته
بس مش نفس موقفك انا تخيلت نفسي اني اكون حبيت حد اوي اوي وبعد فترة شوفته قدامي وانا مكنتش اعرف اي حاجة عنه اكيد قلبي حيوقف وحفضل متنحة
بس انا عاجبني اوي اوي رد فعلك لانه رد فعل طبيعي اوي ومش عارفة ازاي تقدري انك تشوفي حد كان حاجة فى حياتك تبصي عليه وتنزلي عينيك وماترفعاهش تاني تبصيله بصراحة دي قوة ارادة انا بحييكي عليها
ده غير انه اكيد مكنش مهم اوي فى حياتك مأثرش التأثير اللى يخليكي تبصي وتنزلي عينيك وتبصي تاني عليه (ده تصوري الشخصي جدا طبعا انا احب أضيف ..انا عايز اضيف ههههه)
بس انتي عارفة انا حاسة بموقفك واحساسك جدا لان مش معنى انك بصيتي تاني فى الموبايل انه مش هامك بالعكس احيانا الواحد ولمجرد ثواني بينفصل عن العالم حواليه وتحسي ان الماضي مرة واحدة بقى شريط قدامك بيمر
وطبعاانتي مدخلتيش الكافيه عشان مش فاضية كل شوية تبصي على الموبايل او الارض بقى
وتقولي ايه المكان اللى حفضل باصة فى ارضيته ده على طول هههههههههه
بس فى سؤال مزنوق ياسمسم
هو انتي لو كنتي لوحدك مكنش معاكي حد تفتكري كان هو حيجي يتكلم معاكي ولو جه كنتي حتتكلمي معاه عادي
ولاانتي كنتي حتقومي وتسلمي عليه لو كنتي لوحدك
اممممممممم يالا ماعلينا انا فعلا مناخيري طولت اوي وعيب كدة ههههههههه
تعليقاتك بتنورني ياسمسم ودايما تعليقاتك احلى من اي بوست
ولا معلش بقى سلاموووز باللبن وياريت يبقى اكتر من الموز وانتي فاهمة بقى
الى المجهولة
تعرفي والله انتي قولتي فكرة حلوة اوي
انك تتعرفي عليه من اول وجديد اهو تعيدي بقى ايام المشي على النيل واكل الترمس ههههههههههههه
يعني انتي افترضتي انك حترجعي ده طبعا كدة كدة حيحصل حتى ولو فى حياتك حد
ماشاء الله عليكي شغااااااااال يونيفيرسال ههههههه
تحياتي ليكي ياجميل
looooool you r funny
yes yes as you said,,,
i dont wanna miss something, what i wanna do i should garrit
:D sweet that you knew finaly that i'm female hehe
who told you that :P feeling?
Post a Comment